Ásta

Í sumar ætla ég að halda tónleikaröð í þremur litlum kirkjum hér á norðanverðum Vestfjörðum.

Lokatónleikarnir verða haldnir á verslunarmannahelginni í Sæbólskirkju á Ingjaldssandi.

Ingjaldssandur er einn af þessum stöðum í heiminum sem mér finnst erfitt að lýsa með orðum. Fegurðin er svo mikil og orkan er svo sterk.

Þetta verður einfalt: rödd, víóla og gítar. Ég hlakka til að halda mína fyrstu tónleika á Ingjaldssandi.

Sæbólskirkja er rétt tæplega 100 ára gömul, hönnuð af Guðjóni Samúelssyni og var ein af hans fyrstu kirkjuteikningum.

Miðaverð: 2.500.- Miðasala á staðnum.